یوم تاسیس کے موقع پر اتراکھنڈ گرامین بینک کے ملازمین نے خون کا عطیہ دیا 

پتھورا گڑھ۔ اتراکھنڈ گرامین بینک کے 10ویں یوم تاسیس پر ملازمین نے ضلع اسپتال پہنچ کر خون کا عطیہ دیا۔ اس دوران گرامین بینک کے ریجنل مینیجر کے ایم شرما نے بینک ملازمین کو یادگاری اور توصیف نامہ دے کر ان کا اعزاز کیا۔ پتھورا گڑھ کے ضلع اسپتال میں واقع بلڈ بینک میں اتراکھنڈ گرامین بینک کے ملازمین کی طرف سے خون عطیہ کیمپ کا انعقاد کیا گیا۔ جس میں بینک منیجر اسکیم وجے سنگھ بھنڈاری نے بتایا کہ اس وقت سب کو خون عطیہ کرنے کی ضرورت ہے تاکہ اسپتالوں کے بلڈ بینکوں میں خون کی کمی نہ ہو۔ لوگوں کو خون کے عطیہ کے بارے میں پھیلائی گئی توہم پرستی کو دور کر کے اپنی شرکت بڑھانے کی کوشش کرنی چاہیے۔ بینک ملازمین نے نوجوانوں سے اپیل کی کہ وہ زیادہ سے زیادہ خون کے عطیہ کیمپ میں شرکت کریں۔